X-Treme Toerteam Goes: “Noord-Beveland op z’n Zeeuws”

HOES Ofhelôpe diesendag bi me mie de A hroep  van x-treme ni Noord-Beveland uhreje. Noe za je dienke Noord-Beveland, wa’s di noe te zien?

Noe mok je zehhe da’k an dat stikje Zêêland ok nie zô vee an vinde, om nie te zehhen, ik vind tut r hewoon lilluk.
Me ja, over Zuud-Beveland em me de lesten tied a zô vee uhreje, Da me noe ok we us erhens ars ni toe wille. Via ‘t oerwoud van’t Willeminadurp fietsen we richting de Oosterscheldediek.

Noe bin ze lanks die Oosterschelde oal de dieken ant versterken. noe vreag ik m’n neihen of wi da noe voe nôdig is. Ze e toh nie voe nix die sturmvloedkering ubouwd?
Dat held oa ze beter an mien kunne heve, dan oak misschien we zô een carbon lichthewicht vliegmechien kunne kôpe.

Me affijn, via Katse Veer binne me over de bruhhe ni dat are eiland uhfietst, wi me ok wee butendieks richting Kats hinge.
Normaal uhsproke rieun we di aoltied deur de scheapestront, me ja, di wazze ze ôk a bezig bie de diekversterkingen. Nea Kats hit tut wee butendieks richting Colijn.
Nea Colijn rieun we over een onverard pad achterlangs de camping. ‘t tempo wor noe flienk op uhvoerd. Nea dat pad hean we mie een rot hank nea Kortjeen, wan je weet tut ee, hank is aoles.
Bie de jungle van Kortjeen ouwen we een pispauze, om dirnea het oerwoud in te duken.
Noe moh je wete dahk de dag di voor de route a een bitje verkend ah, dus ik wist wat er hing komme. Broeiers, êêl vee Broeiers.

‘Tis een mooi pad oh, me tis een bitje moeilijk te zieun wi ajuh mô rieje. Achter mien wordt ‘r uh vloekt en uh tierd as een oardêêl. Op ‘t eande van’t pad behriepe ze noe wirrom ik m’n bêênstikken an uhdea o. Rob Spelier vroeg nog of ik vannacht wil komme vrieve, want ie o noh a last van joekte.
We moste noh een stikje vadder over een pad wi van je trouwherêêdschap aardig deur mekare uh klust wier. Noe kon je

vrouwe zô ard vrieve wah ze wou, dih zou vannacht nix mi hebeure.
Via aolerlij onverarde padjes bin we wee ni ruus uhreje . En ik mô êêrlijk zehhe, oans ea toh we henote, want Noord-Beveland is eihenlijk mooi van lillukheid.
 
Hroeten
 
Pier Padje